Nga Redaksia – Në rrjetin social TikTok po qarkullon një video ku ish-oficeri i CIA-s, i pyetur mbi zhvillimet në tregun e pasurive të paluajtshme në rajonin e Mesdheut dhe Ballkanit, bën një deklaratë që ka ngjallur debat të gjerë.
Në këtë deklaratë virale, që po shpërndahet gjerësisht në platforma të ndryshme, ish-oficeri i CIA-s ngre shqetësime mbi rritjen e shpejtë të çmimeve të pronave dhe praninë e investitorëve të huaj në rajon. Sipas videos që qarkullon, ai përmend se tregu i pasurive të paluajtshme në Athinë dhe zonat përreth ka pësuar rritje të ndjeshme në dekadën e fundit, duke u ndikuar nga investitorë ndërkombëtarë.
Në fragmentet që po shpërndahen, ai sugjeron se blerjet e pronave nga shtetas Izraelitë që lidhen me faktorë gjeopolitikë dhe strategjikë, duke ngritur pikëpyetje mbi motivet e këtyre investimeve në rajonin e Mesdheut Lindor dhe Ballkan.
Deklarata, siç paraqitet në rrjet, përmend gjithashtu se në disa raste blerjet e pasurive nuk janë vetëm për qëllime investimi, por mund të lidhen edhe me plane afatgjata sigurie nga individë apo grupe të ndryshme.
Më poshtë po e sjellim tekstin e video-s të shpërndarë në rrjet:
“Çfarë mendoni për Greqinë dhe Shqipërinë? A mendoni se Greqia dhe Shqipëria do të bëhen një shtet i dytë izraelit, me gjithë këta të çmendur që po blejnë prona në të dy vendet?
E dini, kjo është një gjë që po ndodh. Izraelitët po blejnë pasuri të paluajtshme në Greqi, Qipro dhe Shqipëri më shpejt se kushdo tjetër në botë.
Dhe e kam përmendur disa herë online, ose më saktë në emision, se kam ndjekur tregun e pasurive të paluajtshme në Athinë për një kohë të gjatë, sepse kam menduar të blej atje prej kohësh.
Çmimet janë dyfishuar në më pak se 10 vjet. Çmimet janë dyfishuar që nga fillimi i COVID-it. Dhe kjo është për shkak të spekulatorëve të pasurive të paluajtshme izraelitë, rusë dhe kinezë.
Por izraelitët nuk po blejnë vetëm për investim. Ata po blejnë prona hapur, vetëm në rast se gjërat përkeqësohen në Izrael dhe ata duhet të largohen shpejt.
Dhe kjo është veçanërisht e vërtetë në Qipro. Ata po blejnë sipërfaqe të mëdha toke në Qipro, jo vetëm apartamente si në Athinë.”
Ky postim po shpërndahet gjerësisht në rrjete sociale dhe ka nxitur diskutime dhe interpretime të ndryshme mbi tregun e pasurive të paluajtshme dhe ndikimin e investimeve të huaja në rajon.